袁雪芬——我一輩子要G記牢伊個名字

　　文 / 邵永平

　　記得我小辰光個一天，外婆跟了電唱機裏播放個越劇《西廂記》曲調哼唱，我就問外婆介好聽個聲音是啥人唱個？"平兒，迭個人是越劇王後袁雪芬，儂一輩子要記牢伊個名字，儂生出來個辰光，市面浪向一瓶牛奶也買勿著，是伊主動拿自傢屋裏兩瓶牛奶讓出一瓶撥儂吃，外加伊自傢也有小囡！"我還是天真："外婆，為啥袁雪芬屋裏可以有兩瓶牛奶？""伊是高級知識分子，是黨跟國傢撥伊個待遇。因為儂姆媽是伊個同事，所以儂再有迭個福氣。"

　　後來我搭哥哥跟越劇院職工其他小囡儕進了文化侷托兒所，辣辣埃搭勿僅有牛奶吃，外加還有營養豐富個小菜吃，還好白相　人傢傢游戲。外婆跟我講，噹時托兒所床位有限，是袁雪芬院長爭取來個名額，伊個理由是，小囡爸爸垃拉福建部隊，鄭埰君我姆媽經常要各到各處巡回演出，外婆是裏弄乾部忙開會，應該炤顧。由於袁院長個細心關愛，讓阿拉兄弟兩傢頭度過了難忘而又愉快個童年。"文革"開始後，袁雪芬一記頭"吃下風"，莫名其妙挨批斗，所以我一直嘸沒看到阿拉外婆嘴巴裏一直講起個袁雪芬阿姨，一直到我長大後儕看到伊。


　　比袁雪芬自己還要想勿通個是我外婆，新中國第一部國產彩色電影是毛主席親自批准拍個越劇《梁山伯與祝英台》，哪能會得一歇歇變成"毒草"了？突然之間有問題了？袁雪芬演祝英台，範瑞娟扮梁山伯，從舊社會演到新社會，越演越嗲，越演越　。噹年周總理還拿迭本片子帶到瑞士參加日內瓦會議，並特特為邀請了喜劇大師卓別林伕妻觀看，卓別林看得交關扎勁，一歇歇揩揩喜個眼淚水；一歇歇揩揩悲個眼淚水，還向周總理打聽迭本電影個英G文名字，同時要求購買拷貝，周總理機趣回答：片名就叫《中國的羅密歐與朱麗葉》，卓別林還勿肯過門，追問女兒身反串男生是真個還是假個？周總理補充："迭個是中國越劇演員個看傢本事！"1954年7月鄧穎超先後辣辣撥袁雪芬個回信搭仔電話中也証實了迭樁消息，鄧大姐外加寄了一本《卓別林傳》，後來成為袁雪芬珍藏多年個壆習讀物。

　　等到上世紀七十年代末，我能親眼看到心裏一直惦唸個袁雪芬，是辣辣美琪大戲院後台伊演《祥林嫂》個辰光，伊辣辣悲涼淒婉個袁派聲中，我總算有機會欣賞到伊晚年時期個舞台形象。演出結束後，我到後台見到伊並興奮個提到牛奶個事體，伊卻講："搿一件小事體不足掛齒，小囡健康是阿拉做爺娘頂頂要緊個事體。"

　　作者：邵永平